اقتراحاتكم تهمنا

دى شغلة المشرفين يباشا
إنت بس تطلب اللى إنت عاوزه و إحنا فى الخدمة

طيب على الاقل المدة الى بعدها ممكن اعمل اى تعديل على الموضوع بتاعى تزيد ...
يعنى مثلا يوم كامل من تاريخ كتابة الموضوع .
يعنى على الاقل يوم كامل احسن من مفيش .
واكيد المدة دى كفاية اوى ان الواحد يعدل الموضوع لو شاف فيه اى حاجة غلط , زى الاخطاء الاملائية وغيرها

المدة مفتوحة ....!!!! ازاى طيب .؟
انا ولا بقفل المنتدى ولا اى حاجة .انا لو مثلا بعت الموضوع خلاص , وبعدين قعدت اقرأ الموضوع مثلا واخدت 5 دقائق .
ولو جيت اعدل , يقولى ما ينفعش .

المهم ما علينا .
المشكلة ان مشرف القسم مش هيعرف مثلا انا عايز اضيف ايه , و بأى اسلوب , لان كل واحد ليه اسلوبه ..

بس خلاص ما تشغلش بالك بالحوار ده .

الساعة بتاعة المنتدى , مش مضبوطة .
مقدمة ساعة .

هو ينفع نضم القسم بتاع اعدادى والقسم بتاع اولى فى قسم واحد اسمه القسم التعلينى , ويكون جواه اقسام فرعية لالى هى اعداى واولى .
على اساس ان القسم التعليمى هيبقى قسم شامل يتحط فيه اى موضوع مختص بالتعليم عموما .
وتبقى الاقسام الفرعية اقسام متخصصة لاولى واعدادى .

أقسام المنتدى مش كتير يا معلم فمش مستاهلة تقسيم لفروع أساسية و فرعية

بص يا دكتور طاهر أنا عندى إقتراح بس يارب يعجبكو أولا وبعد كدا تبقى تشوف

هتقبله ولا لأ

إيه رأيك نعمل قسم لحل مشاكل أعضاء أسرة صيدله أون لاين

قبل مانحل مشاكل المنتدى نفسه لأن الأعضاء لو مش عندهم مشاكل أكيد المنتدى هيبقى

كويس وهنشوف أحلى شغل ولا إيه رأيك

ممكن طلب يا دكتور

ممكن حضرتك تعمل ترقيم للمشاركات

اللي بتكون كده مثلا

1#
2#
وهكذا

جنب كل مشاركه

السلام عليكم

ممكن يا دكتور محمد مجرد اقتراح

ان حضرتك تقسم القسم بتاع فيديوهات اليوتيوب

لاقسام مثلا

اسلامي وياريت يكون في قسم وثائقي

وكده يعني

عشان يكون ف كل قسم تخصص اكتر

ده مجرد اقتراح فقط

مهو يا دكتور ممكن لما الفيديوهات تزيد يحصل لغبطه في النقل واعتقد هيكون اصعب ف التقسيم

لكن لو م الاول هيكون كل واحد بيحط فيديو عارف هو بيحطه فين مع الوقت كل قسم هيتملي باذن الله

بس بردو القرار لحضرتك في الاول وفي الاخر

وجزاك الله كل خير ع الاهتمام والرد

بشكر حضرتك علي تقبل النقاش

بالنسبه للاقسام

ممكن مثلا

قسم اسلامي ووثائقي

وباقي الفيديوهات اللي مش عن موضوع معين تكون موجوده تحت

يعني يفضل قسم فيديوهات اليوتيوب عادي زي ما هو

والاقسام التانيه تكون جواه كاقسام فرعيه

زي مثلا

القسم العام وجواه قسم فرعي استراحه القسم العام

او زي ماحضرتك شاف الافضل ايه؟؟

كان عندى اقتراح يادكتور محمد ياريت تقبله


ممكن تعمل تحت كل واحد اسامى المواضيع اللى هو كاتبها


اصل انا شفت النظام ده فى منتديات كتير وبيعجبنى جداا


ياريت تقبل اقتراحى.....شكرا لحضرتك

ممكن نشجع الناس اكتر واعمل موضوع يبقى في ترشيحات لافضل التوبيكات الي اتعملت في كل قسم
ويتجدد كل اسبوع
ممكن!